సూపర్‌ స్టార్ రజనీకాంత్ కథానాయకుడిగా దర్శకుడు నెల్సన్ దిలీప్‌కుమార్ తెరకెక్కించిన మోస్ట్ అవైటెడ్ సీక్వెల్ ‘జైలర్ 2’ విడుదలకు ముస్తాబవుతోంది. తాజాగా ఈ చిత్రం సెన్సార్ కార్యక్రమాలను పూర్తి చేసుకుంది. సెన్సార్ బోర్డు ఈ చిత్రానికి ‘యూ/ఏ 16+’ సర్టిఫికెట్ మంజూరు చేయడంతో పాటు సినిమా అధికారిక నిడివి కూడా ఖరారైంది.
కొద్దిరోజుల క్రితం చిత్రంలోని ఒక వైలెంట్ సీన్ విషయంలో రజనీకాంత్ కి దర్శకుడు నెల్సన్ అండ్ టీం నడుమ కొంచెం డిస్కషన్ జరిగింది. సినిమాకు యూ/ఏ కావాలని తలైవర్, కాదు ఏ సర్టిఫికెట్ కావాలని నెల్సన్ పట్టుబడితే ఫైనల్ గా ఈ వార్ లో రజినినే గెలిచినట్టు ఇప్పుడు ఖరారు అయ్యింది.
165 నిమిషాల రన్‌టైమ్.. భారీ తారాగణం
ఈ చిత్ర అధికారిక రన్‌ టైమ్ 165 నిమిషాలు, అంటే సరిగ్గా 2 గంటల 45 నిమిషాలుగా లాక్ అయింది. గత సినిమా లానే ఇందులో కూడా ప్రధాన నటీనటులు లిస్ట్ పెద్దదే. సో రజినీకాంత్ తో పాటు అందరినీ కవర్ చేయాలి అంటే ఆ మాత్రం ఉండాల్సిదే. సో ఈ స్టార్ కాస్ట్ తో ఈ నిడివిలో నెల్సన్ ఎలా ప్లాన్ చేశారో చూడాలి.
ఈ చిత్రంలో విద్యా బాలన్, సూరజ్ వెంజారమూడు, మిర్నా, రమ్యకృష్ణ, మిథున్ చక్రవర్తి తదితరులు కీలక పాత్రల్లో కనిపించనున్నారు. వీరితో పాటు మోహన్‌లాల్, హృతిక్ రోషన్, శివరాజ్‌కుమార్, విజయ్ సేతుపతి ప్రత్యేక అతిథి పాత్రల్లో మెరవనుండటం ప్రాజెక్ట్‌పై ఆసక్తిని మరింత పెంచుతోంది.