ప్రస్తుతం పాన్ ఇండియా సినిమా దగ్గర సత్తా మంచి వరుస భారీ ఆఫర్స్ అందుకుంటున్న స్టార్ హీరోయిన్స్ లో యంగ్ నటి రష్మికా మందన్నా కూడా ఒకరు. మరి ఇప్పుడు రష్మిక హీరోయిన్ గా “పుష్ప 2” (Pushpa 2) సహా బాలీవుడ్ లో “సికిందర్” (Sikandar) తదితర భారీ చిత్రాలు అనేక భాషల్లో చేస్తుండగా తాను మై ఇండియా అంటూ చేసిన పోస్ట్ రీసెంట్ గా మంచి వైరల్ అయ్యింది. అయితే దీనికి దేశ ప్రధాని నరేంద్ర మోడీ రిప్లై ఇవ్వడం గమనార్హం.

సౌత్ ఇండియా నుంచి నార్త్ ఇండియా, వెస్ట్ ఇండియా నుంచి ఈస్ట్ ఇండియా వరకు అందరి హృదయాలు కలుపుకుంటూ వెళ్ళాలి అంటూ రష్మిక నుంచి ఓ వీడియో పోస్ట్ రాగా దీనికి నరేంద్ర మోడీ నుంచి రిప్లై రావడం ఒక ఊహించని అంశంగా మారింది. మోడీ రిప్లై ఇస్తూ “ఖచ్చితంగా! మనుషుల్ని కలుపుకుంటూ వెళుతూ వారి జీవితాల్ని మెరుగు పరచడం కంటే ఏది సంతృప్తి ఇవ్వదు” అంటూ తెలిపారు. దీనితో ఈ పోస్ట్ కి 12 గంటల్లోపే 90 వేలకి పైగా లైక్స్ వచ్చేయడం విశేషం. దీనితో ఈ పోస్ట్ లు అయితే ఇపుడు వైరల్ గా మారాయి.

Absolutely! Nothing more satisfying than connecting people and improving lives. https://t.co/GZ3gbLN2bb

— Narendra Modi (@narendramodi) May 16, 2024

మెరిసే మెరిసే చిత్రంతో పవన్ కుమార్ కొత్తూరి దర్శకుడిగా పరిచయం అయ్యారు. ఆ సినిమాతో విమర్శకుల ప్రశంసలతో పాటు ఆడియెన్స్ ప్రశంసలు కూడా అందుకున్నారు. అయితే ఈ దర్శకుడు ఇప్పుడు హీరోగా తన అదృష్టాన్ని పరీక్షించుకునేందుకు సిద్దమయ్యారు. యావరేజ్ స్టూడెంట్ నాని అనే చిత్రంతో హీరోగా, దర్శకుడిగా, నిర్మాతగానూ పవన్ కుమార్ ప్రేక్షకుల ముందుకు రాబోతోన్నారు. శ్రీ నీలకంఠ మహదేవ ఎంటర్టైన్మెంట్స్ ఎల్‌ఎల్‌పి బ్యానర్‌పై పవన్ కుమార్ కొత్తూరి ఈ చిత్రాన్ని నిర్మిస్తున్నారు.

ఈ యూత్‌ఫుల్ లవ్, యాక్షన్, ఫ్యామిలీ ఎంటర్‌టైనర్ ప్రమోషన్స్‌ను చిత్రయూనిట్ ప్రారంభించింది. ఈ రోజు ఈ మూవీ ఫస్ట్ లుక్ పోస్టర్‌ను విడుదల చేశారు. ఈ బోల్డ్ అండ్ ఇంటెన్స్ ఫస్ట్ లుక్ పోస్టర్ చూస్తుంటే హీరో హీరోయిన్ల మధ్య ఎలాంటి కెమిస్ట్రీ ఉంటుందో అర్థమవుతోంది. స్నేహా మాలవ్య, సాహిబా భాసిన్‌, వివియా సంత్‌లు హీరోయిన్లుగా నటించారు. సినిమాకు సంబంధించిన ఇతర వివరాలు త్వరలోనే ప్రకటించనున్నారు.

పవన్ కుమార్ కొత్తూరి, స్నేహ, సాహిబా భాసిన్, వివియా సంత్, ఝాన్సీ, రాజీవ్ కనకాల, ఖలేజా గిరి తదితరులు నటిస్తున్న ఈ చిత్రానికి రచయిత, దర్శకుడు పవన్ కుమార్ కొత్తూరి, నిర్మాతలు పవన్ కుమార్ కె, బిషాలి గోయెల్, సంగీతం కార్తీక్ బి కొడకండ్ల, DOP సజీష్ రాజేంద్రన్, ఎడిటర్ ఉద్ధవ్ SB, సాంగ్స్ కొరియోగ్రఫీ రాజు మాస్టర్, ఫైట్స్ నందు, PRO ఎస్ ఆర్ ప్రమోషన్స్ (సాయి సతీష్) లుగా వ్యవహరిస్తున్నారు.

శంకర్ దర్శకత్వంలో కమల్ హాసన్ హీరోగా తెరకెక్కుతున్న లేటెస్ట్ మూవీ ఇండియన్ 2. తాజాగా ఈ సినిమాకి సంబంధించిన కొన్ని అప్‌డేట్స్‌ వైరల్‌గా మారాయి. ఇంతకీ, ఆ అప్ డేట్స్ ఏమిటో చూద్దాం రండి. ఈ చిత్రానికి మూడో భాగం కూడా ఉండబోతోందని ఇప్పటికే చిత్ర బృందం తెలిపింది. ప్రస్తుతం పార్ట్‌ 2తో పాటే మూడో భాగాన్ని కూడా తెరకెక్కిస్తున్నట్లు తెలుస్తోంది. అదేవిధంగా ఈ రెండు సినిమాలను ఏడాదిలోపే విడుదల చేయాలని చిత్రబృందం భావిస్తున్నట్లు టాక్.

అన్నట్టు ఈ మూవీ టీమ్‌ మరో భారీ సర్‌ప్రైజ్‌ ను కూడా ప్లాన్ చేసింది. పార్ట్‌ 2 క్లైమాక్స్ లో మూడో భాగం ట్రైలర్‌ను ప్రదర్శించాలని మేకర్స్ సన్నాహాలు చేస్తున్నారు. పైగా అదే రోజున పార్ట్‌ 2 విడుదల తేదీని కూడా ప్రకటించనున్నారు. ఇక ఈ సినిమా విడుదల తేదీని జులై 12కు వాయిదా వేసినట్లు టాక్‌. మరో అప్ డేట్ విషయానికి వస్తే.. ‘భారతీయుడు 2’ ట్రైలర్‌ రిలీజ్‌ కోసం యూనిట్‌ ఓ భారీ ఈవెంట్‌ను ప్లాన్‌ చేస్తోందట. కాగా ఈ మూవీని లైకా ప్రొడక్షన్స్, రెడీ జెయింట్ మూవీస్ సంస్థలు నిర్మిస్తున్నాయి. అనిరుధ్ రవిచందర్ సంగీతం సమకూరుస్తుండగా, రవివర్మన్‌ ఛాయాగ్రాహకుడుగా వ్యవహరిస్తున్నాడు.

నేషనల్ స్టార్ ప్రభాస్ హీరోగా – నాగ్ అశ్విన్ డైరెక్షన్ లో ‘కల్కి 2898 AD’ అనే ఫాంటసీ సైంటిఫిక్ మూవీ చేస్తున్న సంగతి తెలిసిందే. అయితే, ఈ సినిమా పై ఇప్పటికే ఎన్నో పుకార్లు వైరల్ అయ్యాయి. ఆ మధ్య ఈ మూవీ క్లైమాక్స్‌ కు ముందు వచ్చే సన్నివేశాల్లో పరశురాముడిగా జూనియర్ ఎన్టీఆర్ కనిపిస్తాడని మొదట రూమర్స్ వినిపించాయి. ఆ తర్వాత పరశురాముడి పాత్రలో నాగార్జున కనిపిస్తాడని పుకార్లను పుట్టించారు. ఐతే, తాజాగా పరశురాముడి పాత్రలో కూడా ప్రభాసే కనిపిస్తాడని అంటున్నారు.

ఓ దశలో అయితే, పరశురాముడిగా బాలీవుడ్ హీరో దర్శనం ఇస్తాడని టాక్ నడిచింది. మొత్తమ్మీద అసలు పరశురాముడి పాత్రలో ఎవరు కనిపిస్తారు అనేది ఇప్పటికీ క్లారిటీ లేదు. వార్తలు అయితే రకరకాలుగా వస్తూనే ఉన్నాయి. కథ ప్రకారం పరశురాముడి పాత్ర చాలా కీలకం అని తెలుస్తోంది. మరి అలాంటి కీలకమైన పాత్ర పై ఇంతవరకు మేకర్స్ అయితే స్పష్టత ఇవ్వలేదు. మరి పరశురాముడి పాత్ర పరిస్థితేమిటో చూడాలి.

కాగా, ఈ మూవీలో అమితాబ్ బచ్చన్, కమల్ హాసన్, దీపికా పదుకొణె, దిశా పటాని తదితరులు నటిస్తున్న విషయం తెలిసిందే. వైజయంతీ మూవీస్‌ పతాకంపై అశ్వనీదత్‌ ఈ చిత్రాన్ని భారీ స్థాయిలో నిర్మిస్తున్నారు.

‘ద‌స‌రా’ కాంబో రిపీట్ కానుంది అని ఇప్పటికే అధికారిక ప్ర‌క‌ట‌న కూడా వ‌చ్చేసింది. నాని కోసం శ్రీ‌కాంత్ ఈ సారి కూడా ఓ స‌రికొత్త కథ రాశాడట. దసరా కోసం నానిని ఓ స‌రికొత్త అవ‌తార్‌లో చూపించాడు. అలాగే, దసరాలో మలయాళ నటుడు షైన్ టామ్ చాకో ను కూడా దర్శకుడు శ్రీ‌కాంత్ ఓదెల చాలా కొత్తగా చూపించాడు. టాలీవుడ్ లో షైన్ టామ్ చాకో కి డిమాండ్ పెరగడానికి కూడా దసరా సినిమానే ముఖ్యకారణం.

ఐతే, తాజాగా, శ్రీ‌కాంత్ ఓదెల నానితో చేస్తున్న రెండో సినిమాలో కూడా షైన్ టామ్ చాకో కి ఓ కీలక పాత్ర రాశాడని.. సినిమాలో మెయిన్ విలన్ అతనే అని, కానీ అతని రూపం పూర్తిగా కొత్తగా ఉంటుందని.. గుర్తుపట్టలేని గెటప్ లో షైన్ టామ్ చాకో కనిపిస్తాడని.. షైన్ టామ్ చాకో లుక్‌, మేకొవ‌ర్ ప్రేక్ష‌కుల్ని మెస్మ‌రైజ్ చేస్తాయని తెలుస్తోంది.

ఇక ఈ సినిమా ఈ కథా నేపథ్యం 80వ దశకంలో సాగుతుంది అని, అప్పటి నిజాం పరిపాలనలో సాగిన ఓ పోరాట యోధుడి కథ ఆధారంగా శ్రీ‌కాంత్ ఓదెల స్క్రిప్ట్ రాసుకున్నాడు అని తెలుస్తోంది. అందుకే, నిజ‌మైన నాయ‌కుడికి ఐడెంటిటీ అవ‌స‌రం లేద‌న్న స్లోగ‌న్ ను పోస్ట‌ర్‌పై పెట్టారట. మొత్తానికి ఓ మాస్ లీడ‌ర్ క‌థతో ఈ సారి నాని రాబోతున్నాడు.

‘అఖండ 2’ పై భారీ అంచనాలు నెలకొన్నాయి. ఐతే, ఈ సీక్వెల్ ను ఎన్నికల తర్వాత స్టార్ట్ చేస్తాం అని బోయపాటి ఇప్పటికే క్లారిటీ ఇచ్చాడు. ఎన్నికలు కూడా ముగిశాయి కాబట్టి, ఇప్పుడు ఈ సినిమా షూటింగ్ ఎప్పుడు అంటూ బాలయ్య ఫ్యాన్స్ పోస్ట్ లు పెడుతున్నారు. ప్రస్తుతం ఈ సినిమా స్క్రిప్ట్ వర్క్ జరుగుతుంది. ఐతే, వచ్చే నెలలో ఓ చిన్న షెడ్యూల్ ను ప్లాన్ చేస్తున్నారు. ఈ షెడ్యూల్ లో అఖండ పాత్ర తాలూకు పరిచయ షాట్స్ ను తీసారట. అనంతరం.. మరో రెండు నెలల తర్వాత రెగ్యులర్ షూట్ ను స్టార్ట్ చేయాలని బోయపాటి ప్లాన్ చేస్తున్నాడు.

అఖండ 2 కోసం అరకు, కొచ్చి లాంటి ప్రదేశాల్లో కొన్ని అద్భుతమైన లోకేషన్స్‌ను మూవీ యూనిట్ పరిశీలించిందట. ఇక కథ ప్రకారం.. సినిమా పూర్తిగా శైవత్వం పై సాగుతుందని.. హిందుత్వానికి ప్రతిరూపం దక్షిణ భారత దేశం అనే కోణంలో సీన్స్ ఉంటాయని తెలుస్తోంది. అలాగే..హిందూ దేవాలయాలకు సంబదించిన లింక్స్ తో పాటు దక్షిణ భారత దేశం గొప్పతనాన్ని కూడా ఈ సినిమాలో బాగా ఎలివేట్ చేస్తున్నారని తెలుస్తోంది. ‘అఖండ 2’ లో బాలీవుడ్ స్టార్ సంజయ్ దత్ కూడా ఓ కీలక పాత్రలో నటించబోతునట్లు తెలుస్తోంది.

అతిలోక సుందరి శ్రీదేవి వారసురాలిగా జాన్వీ కపూర్ ప్రస్తుతం ఫుల్ బిజీగా తన కెరీర్ ను కొనసాగిస్తోంది. ఐతే, జాన్వీకపూర్‌ ప్రస్తుతం ‘మిస్టర్‌ అండ్‌ మిసెస్‌ మహి’ ప్రమోషన్స్‌తో బిజీగా ఉంది. ఈ చిత్రం మే31న ప్రేక్షకుల ముందుకు రాబోతుంది. ఈ నేపథ్యంలో తొలి పాటను రిలీజ్ చేశారు. ఈ సాంగ్ రిలీజ్ ఈవెంట్‌లో జాన్వీ మాట్లాడుతూ.. తనకు కాబోయే భర్త ఎలా ఉండాలో చెప్పింది.

ఇంతకీ, జాన్వీ కపూర్ ఏం చెప్పిందో ఆమె మాటల్లోనే విందాం. ‘నాకు కాబోయే భర్త, నా కలలను తనవిగా భావించాలి. ఎప్పుడూ నన్ను సంతోషంగా ఉంచాలి. అలాగే, ఆపదలో నాకు ధైర్యం చెప్పాలి. నేను ఏడ్చినప్పుడు నా పక్కనే ఉండి నాకు అండగా నిలబడాలి. అలాంటి లక్షణాలు ఉన్న వ్యక్తినే నేను పెళ్లి చేసుకుంటాను’ అంటూ జాన్వీ కపూర్ చెప్పుకొచ్చింది. మరి అలాంటి అబ్బాయి, జాన్వీ కపూర్ కి దొరూతాడో లేదో కాలమే సమాధానం చెప్పాలి.

అన్నట్టు గత కొంతకాలంగా మహారాష్ట్ర మాజీ సీఎం సుశీల్‌కుమార్‌ షిండే మనవడు శిఖర్‌తో జాన్వీ కపూర్ డేటింగ్‌లో ఉన్నట్లు జోరుగా వార్తలు వినిపిస్తున్నాయి.

విజువల్ డైరెక్టర్ శంకర్ దర్శకత్వంలో యూనివర్సల్ స్టార్ కమల్ హాసన్ హీరోగా తెరకెక్కుతున్న లేటెస్ట్ మూవీ ఇండియన్ 2. ఈ సినిమాలో హీరోయిన్ రకుల్ ప్రీత్ సింగ్ కూడా కీలక పాత్రలో నటిస్తోంది. ఐతే, రకుల్ ప్రీత్ సింగ్ పాత్ర పై ఇప్పుడు ఓ క్రేజీ న్యూస్ వినిపిస్తోంది. లేటెస్ట్ అప్ డేట్ ప్రకారం.. ఇండియన్ 2 లో రకుల్ ప్రీత్ సింగ్ కనిపించేది కొన్ని సన్నివేశాలు మాత్రమే. అది కూడా సెకండ్ హాఫ్ లో. ఐతే, రకుల్ ప్రీత్ సింగ్ పాత్ర సినిమాలో కొద్ది సమయం మాత్రమే ఉన్నా.. చాలా కీలకంగా ఉండబోతుందని.. ఓ సిన్సియర్ ఐపీఎస్ ఆఫీసర్ గా ఆమె పాత్ర సాగుతుందని తెలుస్తోంది.

ఇక భారీ అంచనాలు ఉన్న ఈ చిత్రాన్ని శంకర్ అత్యంత ప్రతిష్టాత్మకంగా తెరకెక్కిస్తున్నాడు, కాగా ఈ మూవీని లైకా ప్రొడక్షన్స్, రెడీ జెయింట్ మూవీస్ సంస్థలు నిర్మిస్తున్నాయి. ‘భారతీయుడు 2’లో కాజల్ అగర్వాల్ కీలక పాత్రలో నటిస్తోంది. సిద్ధార్థ్‌, బ్రహ్మానందం తదితరులు కీలక పాత్రలు పోషిస్తున్నారు. అనిరుధ్ రవిచందర్ సంగీతం సమకూరుస్తుండగా, రవివర్మన్‌ ఛాయాగ్రాహకుడుగా వ్యవహరిస్తున్నాడు.

టాలీవుడ్ యంగ్ హీరో విశ్వక్ సేన్ యొక్క కమర్షియల్ ఎంటర్టైనర్ గ్యాంగ్స్ ఆఫ్ గోదావరి ఎట్టకేలకు మే 31న థియేటర్ల లోకి రానుంది. పెండింగ్ పనుల కారణంగా ఈ చిత్రం చాలాసార్లు వాయిదా పడింది. విశ్వక్ సేన్, ఫహద్ ఫాసిల్ యొక్క ఆవేశంలోని ఐకానిక్ సన్నివేశాన్ని రీ క్రియేట్ చేశాడు. తన చిత్రం ఇక వాయిదా పడదు అని, మే 31 కి థియేటర్ల లోకి వస్తుంది అంటూ చెప్పుకొచ్చారు.

ఈ సన్నివేశంలో, ఫహద్ ఫాసిల్ ఒక ఇన్‌స్టా రీల్‌ కోసం ఒక స్తంభం వెనుక నిలబడి, తన విభిన్న మనోభావాలను ప్రదర్శిస్తాడు. విదేశీ క్రికెటర్లతో సహా పలువురు ప్రముఖులు ఈ ట్రెండింగ్ సన్నివేశాన్ని రీ క్రియేట్ చేసారు. ఇప్పుడు విశ్వక్ సేన్ వంతు వచ్చింది. సరే, ఇది నిస్సందేహంగా ప్రేక్షకుల దృష్టిని ఆకర్షించడానికి మంచి మార్గం. గ్యాంగ్స్ ఆఫ్ గోదావరి చిత్రానికి కృష్ణ చైతన్య దర్శకత్వం వహిస్తున్నారు. నేహా శెట్టి, అంజలి కథానాయికలు గా నటిస్తుండగా, నాజర్, సాయి కుమార్, గోపరాజు రమణ, హైపర్ ఆది కీలక పాత్రలు పోషించారు. హిందీ బిగ్ బాస్ సెన్సేషన్ అయేషా ఖాన్ ఓ ప్రత్యేక పాటలో కనిపించనుంది. నాగ వంశీ నిర్మిస్తున్న ఈ చిత్రానికి యువన్ శంకర్ రాజా స్వరాలు సమకూర్చారు.

???????????????????????????? ???????????????????????? ???? ???????????????????? ???????????????????? ????

ఈసారి ఒక్కోక్కడికి శివాలెత్తిపోద్దంతే!! ????
#GangsOfGodavari is Hitting theatres worldwide on MAY 31st! ????????#GOGOnMay31st ???? pic.twitter.com/k90SG2g9Ls

— VishwakSen (@VishwakSenActor) May 16, 2024

జబర్దస్త్‌ హాస్య నటుడు కెవ్వు కార్తిక్‌ పెట్టిన ఎమోషనల్ పోస్ట్ ప్రస్తుతం సోషల్ మీడియాలో వైరల్ గా మారింది. ఇంతకీ ఈ పోస్ట్ కెవ్వు కార్తిక్‌ ఎందుకు పెట్టాడంటే.. ఆయన ఇంట విషాదం నెలకొంది. కొంతకాలంగా కేన్సర్స్‌తో పొరాటం చేస్తున్న ఆయన తల్లి ఈ లోకాన్ని విడిచారు. దీంతో, కెవ్వు కార్తిక్‌ తన తల్లిని గుర్తు చేసుకుంటూ ఓ ఎమోషనల్‌ పోస్ట్‌ ను పెట్టారు.

‘ఐదు సంవత్సరాలుగా క్యాన్సరే భయపడే విధంగా దానితో పోరాటం చేశావు. నీ జీవితమంతా యుద్థమే. మమ్మల్ని, నాన్నను కంటికి రెప్పలా చూసుకున్నావ్‌. కష్ట పరిస్థితుల్లో కుటుంబాన్ని కాపాడావు. దేనితోనైనా ఒంటరిగా ఎలా పోరాటం చేయాలో ఈ 5 ఏళ్లలో నేర్పించావు. నాలో ధైర్యాన్ని నింపావు. అన్నీ నేర్పావు.. కానీ నువ్వు లేకుండా ఎలా బతకాలో నేర్పలేదు’ అని కెవ్వు కార్తిక్‌ తన ఇన్స్టాగ్రామ్‌లో పోస్ట్ పెట్టారు. అదేవిధంగా తన మాతృమూర్తికి చికిత్స చేసిన డాక్టర్స్‌కు కృతజ్ఞతలు తెలిపారు.

‘ఎన్టీఆర్ – హృతిక్ రోష‌న్‌’ కలయికలో రాబోతున్న మోస్ట్ వాంటెడ్ పాన్ ఇండియా మల్టీస్టారర్ ‘వార్ 2’. ఈ మూవీ అప్డేట్స్ కోసం ఫ్యాన్స్ ఆసక్తిగా ఎదురుచూస్తున్నారు. ఐతే, ఈ సినిమాలోని స్పెషల్ సాంగ్ కోసం భారీ సెట్ వేస్తున్నారు. పైగా కత్రినా కైఫ్ తో ఈ సాంగ్ ను చేయించాలని మేకర్స్ డిసైడ్ అయ్యారని టాక్. మరి ఈ వార్తలో ఎలాంటి వాస్తవం ఉందో చూడాలి.

కాగా, మోస్ట్ వాంటెడ్ పాన్ ఇండియా మల్టీస్టారర్స్ లో ‘వార్ 2’ ఫస్ట్ ప్లేస్ లో ఉంటుంది. పైగా ఎన్టీఆర్ – హృతిక్ రోష‌న్‌ కలయిక అనగానే ఆడియన్స్ లో కూడా భారీగా అంచనాలు పెరిగిపోయాయి. ఈ సినిమాలో ఎన్టీఆర్ పాత్ర పై ఫ్యాన్స్ ఆసక్తిగా ఎదురు చూస్తున్న సంగతి తెలిసిందే. అన్నట్టు ‘వార్ 2’ కథ విషయానికి వస్తే.. హృతిక్ రోషన్ పాత్రకు దీటుగా ఎన్టీఆర్ పాత్ర ఉంటుందట. పైగా ‘వార్ 2’ అనేది యాక్షన్ ఫిల్మ్. మరి యాక్షన్ ఫిల్మ్ లో ఎన్టీఆర్ ఏ రేంజ్ నటనతో ఆకట్టుకుంటాడో చూడాలి. నిర్మాత ఆదిత్య చోప్రా ఈ చిత్రాన్ని నిర్మిస్తున్నారు.

స్టార్ డైరెక్టర్ మణిరత్నం యొక్క పొన్నియిన్ సెల్వన్ మూవీ ఫ్రాంచైజీలో ప్రేక్షకులను అబ్బురపరిచిన ఐకానిక్ బ్యూటీ ఐశ్వర్య రాయ్ బచ్చన్ కొత్త సినిమాలకు సంతకం చేయలేదు. ఏది ఏమైనప్పటికీ, ఆమె కేన్స్ 2024 ఫిల్మ్ ఫెస్టివల్ లో కనిపించనుంది. ఆమె కుమార్తె ఆరాధ్య బచ్చన్‌తో పాటు, ఐశ్వర్య గత రాత్రి కేన్స్‌కు వెళ్లే మార్గంలో ముంబై విమానాశ్రయంలో కనిపించింది. అయితే ఆమె అందరి దృష్టిని ఆకర్షించింది.

ఆమె కుడి చేతికి కట్టుకట్టి ఉంది. చేతికి గాయం అయినట్లు ఆ కట్టు ను చూస్తే తెలుస్తుంది. ఐశ్వర్యరాయ్ వివరాలను వెల్లడించడానికి నిరాకరించింది. ఈ విషయంలో అభిమానులు ఆందోళన చెందారు. తనకు ఏమైంది అనే వివరాలు భవిష్యత్ లో వెల్లడయ్యే అవకాశాలు ఉన్నాయి.

వరుణ్ సందేశ్ మళ్ళీ వరుస చిత్రాలు చేస్తూ బిజీగా ఉన్నారు. ఈటీవీ విన్‌లో ఇటీవల ఓటిటి చిత్రం అయిన చిత్రం చూడరాలో కనిపించిన తరువాత, తన రాబోయే చిత్రం నింద తో ప్రేక్షకులను ఆకర్షించడానికి సిద్ధంగా ఉన్నాడు. ది ఫెర్వెంట్ ఇండీ ప్రొడక్షన్స్ బ్యానర్‌పై రాజేష్ జగన్నాధం దర్శకత్వం వహించి ఈ చిత్రం ను నిర్మించారు. కాండ్రకోట మిస్టరీని ఆవిష్కరించే నింద, ఇటీవలే దాని ఫస్ట్ లుక్‌ను విడుదల చేసింది. దీనికి అభిమానుల నుండి మంచి ఆదరణ లభించింది.

దాదాసాహెబ్ ఫాల్కే అవార్డు విజేత, నటుడు నవీన్ చంద్ర విడుదల చేసిన టీజర్ ఆకట్టుకుంటుంది. టీజర్ నైతిక సందిగ్ధతలతో నిండిన కథకు వేదికగా, తనికెళ్ల భరణి డైలాగ్‌తో ప్రారంభమవుతుంది. వరుణ్ సందేశ్ పాత్ర బాగుంది. ఇది నిజం మరియు మోసానికి సంబంధించిన కథను వాగ్దానం చేస్తుంది. అనిల్ కుమార్ చేసిన నైపుణ్యంతో కూడిన ఎడిటింగ్‌తో, నింద టీజర్ చాలా ఎక్కువ బహిర్గతం చేయకుండా అంచనాలను పెంచింది. వీక్షకులను ఆకర్షించి, మరిన్నింటి కోసం ఆసక్తిని కలిగిస్తుంది.

సినిమాటోగ్రాఫర్ రమీజ్ నవీత్ మరియు రీ రికార్డింగ్ ఆర్టిస్ట్ సంతు ఓంకార్‌ల సంయుక్త కృషి టీజర్ ప్రభావాన్ని మెరుగు పరిచింది. ప్రేక్షకులకు అద్భుతమైన దృశ్యమాన అనుభూతిని అందిస్తుంది. తనికెళ్ల భరణి, భద్రం, సూర్య కుమార్, చత్రపతి శేఖర్, మైమ్ మధు, సిద్ధార్థ్ గొల్లపూడి తదితరులు కీలక పాత్రలు పోషించారు.

వీడియో కోసం ఇక్కడ క్లిక్ చెయ్యండి

గ్లోబల్ స్టార్ రామ్ చరణ్ (Ram Charan) ప్రధాన పాత్రలో, కోలీవుడ్ స్టార్ డైరెక్టర్ శంకర్ దర్శకత్వం లో తెరకెక్కుతున్న పొలిటికల్ యాక్షన్ ఎంటర్టైనర్ గేమ్ ఛేంజర్ (Game changer). తెలుగు చిత్రసీమలో అత్యంత ఆసక్తిగా ఎదురు చూస్తున్న చిత్రాలలో ఒకటి. ఈ చిత్రం ఇంకా చాలా పార్ట్ షూటింగ్ ను పూర్తి చేయాల్సి ఉంది. నిన్న సాయంత్రం మరో ఇంట్రెస్టింగ్ షెడ్యూల్ పూర్తి అయ్యింది. నటుడు సునీల్ పై డైరెక్టర్ శంకర్ సన్నివేశాలను చిత్రీకరించారు. తదుపరి షెడ్యూల్ ఈ నెలాఖరు లో షురూ కానుంది. రామ్ చరణ్ పాల్గొనని ఈ షూటింగ్ ను చిత్రీకరించడానికి సెకండ్ యూనిట్ ను నియమించాలని మేకర్స్ ప్లాన్ చేస్తున్నారు.

కియారా అద్వానీ హీరోయిన్ గా నటిస్తున్న ఈ చిత్రంలో అంజలి, నరేష్, ప్రియదర్శి, చైతన్య కృష్ణ, ఎస్. జే. సూర్య, జయంరవి, శ్రీకాంత్, సముద్ర ఖని, నాజర్ కీలక పాత్రల్లో కనిపించనున్నారు. దిల్ రాజు నిర్మాతగా వ్యవహరిస్తున్న ఈ సినిమా విడుదల తేదీని ఇంకా లాక్ చేయలేదు. మ్యూజికల్ సెన్సేషన్ థమన్ సంగీతం అందిస్తున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.

ప్రముఖ బాలీవుడ్ నటి కంగనా రనౌత్, చివరిగా తేజస్‌లో కనిపించింది, ఈ చిత్రం బాక్సాఫీస్ వద్ద అంతగా రాణించలేదు. ఆమె రాబోయే ప్రాజెక్ట్, ఎమర్జెన్సీ, ఆమె రెండవ దర్శకత్వ వెంచర్ కోసం ఆడియెన్స్ ఎంతో ఆసక్తిగా ఎదురుచూస్తున్నారు. ఆమె రాజకీయ నాయకురాలు గా మారిన తర్వాత రాబోయే లోక్‌సభ ఎన్నికల కోసం ప్రచారం చేస్తున్నారు. ఈలోగా, ఎమర్జెన్సీ విడుదలకు సంబంధించి చిత్ర నిర్మాణ బృందం ఒక ముఖ్యమైన ప్రకటన చేసింది.

అధికారికంగా ఈ సినిమా విడుదల వాయిదా పడింది. కొత్త తేదీ ప్రకటన పెండింగ్‌లో ఉంది. ఎన్నికల కారణంగా కంగనా కీలక షెడ్యూల్ లో పాల్గొనలేదు. మొదట నవంబర్ 24, 2023న విడుదల కావాల్సి ఉంది. అయితే విడుదల జూన్ 14, 2024కి రీ షెడ్యూల్ చేయబడింది, కానీ ఇప్పుడు అది మరోసారి వాయిదా పడింది. ఈ జీవిత చరిత్ర రాజకీయ నాటకంలో శ్రేయాస్ తల్పాడే, అనుపమ్ ఖేర్, భూమికా చావ్లా తదితరులు కీలక పాత్రల్లో కనిపించనున్నారు. మణికర్ణిక ఫిల్మ్స్ బ్యానర్‌పై రేణు పిట్టి, కంగనా రనౌత్‌లు నిర్మిస్తున్న ఈ చిత్రానికి జి వి ప్రకాష్ కుమార్ సంగీతం అందిస్తున్నారు.

తెలుగులో ఎన్నో సంచలనాత్మక చిత్రాలకి కేరాఫ్ అడ్రస్ గా మారిపోయారు రామ్ గోపాల్ వర్మ. కెరీర్ తొలి రోజుల్లో సూపర్ హిట్ చిత్రాలను తెలుగు సినీ పరిశ్రమ కి అందించారు. అయితే టాలీవుడ్ ను వదిలి కొద్ది సంవత్సరాలు బాలీవుడ్ కి వెళ్ళిన సంగతి అందరికీ తెలిసిందే. అక్కడ వర్మ బాలీవుడ్ తల రాతను మార్చే ఎన్నో కల్ట్ చిత్రాలను అందించారు. అయితే తాజాగా బాలీవుడ్ నటుడు మనోజ్ బాజ్పాయ్ ఆర్జీవీ పై పలు ఆసక్తికర వ్యాఖ్యలు చేశారు.

ముంబై ఇండస్ట్రీ ను ఒక నార్త్ ఇండియన్ లేదా, లోకల్ గా ఉన్న వాళ్ళు ఎవరు మార్చలేదు. హైదరాబాద్ నుండి వచ్చిన రామ్ గోపాల్ వర్మ అనే ఒక వ్యక్తి బాలీవుడ్ ను సింగిల్ హ్యాండ్ తో చేంజ్ చేశాడు అంటూ చెప్పుకొచ్చారు. అతను ఎవ్వరికీ భయపడడు, ఇప్పటికీ అని అన్నారు. మనోజ్ బాజ్ పాయ్ కి బీకు మాత్రే లాంటి ఎవర్ గ్రీన్ పాత్రను ఇచ్చింది ఆర్జీవీ నే. ఈ నటుడు బాలీవుడ్ లో వరుస సినిమాలతో బిజీగా ఉన్నారు. మరొక పక్క ఎంతో ఫేమస్ అయిన ది ఫ్యామిలీ మ్యాన్ తదుపరి సీజన్ లో కనిపించనున్నారు.