దేవ కట్టా దర్శకత్వంలో యువ సామ్రాట్ అక్కినేని నాగ చైతన్య నటిస్తున్న చిత్రం ‘ఆటో నగర్ సూర్య’. ప్రస్తుతం ఈ చిత్రం చంచల్ గూడా జైల్లో షూటింగ్ జరుపుకుంటుంది. నాగ చైతన్యకి జోడీగా సమంతా నటిస్తుంది. ఆటో నగర్ సూర్య విజయవాడ పట్టణ నేపథ్యంలో రూపొందుతున్నట్లు విశ్వసనీయ వర్గాల సమాచారం. దేవ కట్టా గతంలో ప్రస్థానం లాంటి పవర్ఫుల్ పొలిటికల్ డ్రామా తీసారు. ప్రస్తుతం ఆటో నగర్ సూర్య లేబర్ యూనియన్ బ్యాక్ డ్రాప్ లో తెరకెక్కిస్తున్నట్లు సమాచారం. అనూప్ రూబెన్స్ సంగీతం అందిస్తుండగా మాక్స్ ఇండియా బ్యానర్ పై కె. అచ్చి రెడ్డి నిర్మిస్తున్నారు. ఆర్.ఆర్ మూవీ మేకర్స్ వారు సమర్పిస్తుండగా ఈ చిత్రాన్ని వచ్చే ఏడాది వేసవిలో విడుదల చేయడానికి సన్నాహాలు చేస్తున్నారు.

రజినికాంత్ నటించబోయే తరువాత చిత్రం ‘కొచ్చడయాన్’. ఈ చిత్రం జనవరి 2 నుండి చిత్రీకరణ మొదలవుతుందని సమాచారం. రజినికాంత్ ‘రాణా’ సినిమాలో నటించాల్సి ఉండగా ఆయన అనారోగ్యం పాలవడంతో ఆ చిత్రం ఆగిపోయింది. ప్రస్తుతానికి రాణా చిత్రాన్ని పక్కన పెట్టి నూతన చిత్రానికి శ్రీకారం చుట్టారు. కొచ్చడయాన్ చిత్రానికి రజినికాంత్ కూతురు సౌందర్య దర్శకత్వం వహిస్తారు. ఈ చిత్రం కోసం కే.ఎస్. రవి కుమార్ కథ అందించనున్నారు. రజినికాంత్ సరసన నటించడానికి అనుష్క మరియు అసిన్ లను సంప్రదించినట్లు సమాచారం. ఈ చిత్రం కోసం ఏ.ఆర్ రెహమాన్ సంగీతం అందించబోతున్నారు. కొచ్చడయాన్ కి ఛాయాగ్రాహకుడిగా రాజీవ్ మీనన్ పని చేయబోతున్నారు. విజువల్ ఎఫెక్ట్స్ కి సంబందించిన భాద్యతలు కూడా ఈయనే చూసుకుంటాడని సమాచారం.

నూతన నటీ నటులతో రవిబాబు తీసిన చిత్రం ‘నువ్విలా’. ఈ చిత్రం మంచి విజయం సాధించి నేటితో 50 రోజులు పూర్తి చేసుకుంది. రవి బాబు గతంలో నూతన నటులతో ‘నచ్చావులే’ చిత్రం తీసి విజయం సాధించారు. ఆ చిత్రంలో తనీష్ మరియు మాధవీ లత లను తెలుగు తెరకు పరిచయం చేసారు. ఇక నువ్విలా విషయానికి వస్తే హవీష్, అజయ్, ప్రసాద్ బార్వి, విజయ్ సాయి, యామి గౌతమ్, సరయు, రమ్య కొత్త నటులను పరిచయం చేసారు. నూతన నటులను ప్రోత్సహించే రామోజీ రావు గారు ఈ చిత్ర నిర్మాత. నువ్విలా మరియు నచ్చావులే రెండు చిత్రాలకు ఆయనే నిర్మించడం విశేషం. నువ్విలా చిత్రానికి శేఖర్ చంద్ర సంగీతం అందించారు.

యదార్ధ సంఘటనల ఆధారంగా కింగ్ అక్కినేని నాగార్జున నటించిన చిత్రం ‘రాజన్న’. ఈ చిత్రం ఈ రోజు విడుదలవుతుండగా నిన్న ఈ చిత్రాన్ని ప్రముఖలకు ప్రిమియర్ షో వేయడం జరిగింది. ఈ చిత్రం చూసిన ప్రతి ఒక్కరు సినిమా చాల బావుందని నాగార్జున గారి కెరీర్లో మర్చిపోలేని చిత్రం అవుతుందని చెప్పారు.రాజన్న చిత్ర విజయంతో తెలుగు చలనచిత్ర పరిశ్రమకు మంచి శుభ పరిణామం. ఈ సంవత్సరం మొదటి భాగంలో ఎక్కువ విజయాలు లేకపోయినప్పటికీ ద్వితీయార్ధం మాత్రం మంచి విజయాలు దక్కాయి. అగ్ర హీరోలు కూడా విజయాలు దక్కించుకున్నారు. ‘శ్రీ రామ రామ రాజ్యం’ తో బాలకృష్ణ విజయం సాధించగా, ‘రాజన్న’ తో నాగార్జున పెద్ద విజయం సాధించారు. ‘దూకుడు’ తో మహేష్ భారీ హిట్టే సాధించారు.

ఈ చిత్రం బాక్స్ ఆఫీసు దగ్గర రికార్డుల మోత మోగించింది. ఎన్టీఆర్ నటించిన ‘ఊసరవెల్లి’ తో పర్వాలేదనిపించాడు. ఈ చిత్రం నిర్మాతకు నష్టాలు రాకుండా బయట పడింది. నవతరం నటులు రామ్ మరియు నారా రోహిత్ ‘కందిరీగ’ మరియు ‘సోలో’ చిత్రాలతో మంచి విజయాలు దక్కించుకున్నారు. పవర్ స్టార్ పవన్ కళ్యాణ్ స్టైలిష్ చిత్రం ‘పంజా’ తో పర్వాలేదనిపించాడు. అల్లు అర్జున్ ‘బద్రీనాథ్’ తో కమర్షియల్ విజయం సాదించాడు. ఈ విజయాలతో తెలుగు చలనచిత్ర పరిశ్రమ కలకలాడుతోంది. వచ్చే ఏడాది కూడా ఇంత కంటే భారీ విజయాలు సాధించాలని కోరుకుందాం.

యంగ్ టైగర్ ఎన్టీఆర్ హై వోల్టేజ్ యాక్షన్ ఎంటర్టైనర్ చిత్రం ‘దమ్ము’. ఈ చిత్రం పవర్ఫుల్ డైలాగ్స్ మరియు అధ్బుతమైన యాక్షన్ సన్నివేశాలతో రూపుదిద్దుకుంటుందని సమాచారం. బోయపాటి శీను ఫాన్స్ కి విందు భోజనం అందించాబోతున్నట్లు విశ్వసనీయ వర్గాల సమాచారం. ఎన్టీఆర్ కి జోడీగా త్రిషా మరియు కార్తీక నటిస్తున్నారు. ఈ చిత్రంలో ఎన్టీఆర్ పలు విభిన్నమైన పాత్రలో మరియు త్రిషా మూడు విభిన్నమైన గెటప్ లో కనిపిస్తున్నట్లు విశ్వసనీయవర్గాల సమాచారం. కీరవాణి సంగీతం అందిస్తున్న ఈ చిత్ర ఆడియోలో 4 పాటలు రికార్డింగ్ పూర్తయింది.ఈ పాటలు చాలా బావున్నాయని రాజమౌళి కూడా చెప్పడం జరిగింది.

మెగా పవర్ స్టార్ నటిస్తున్న యాక్షన్ ఎంటర్టైనర్ చిత్రం ‘రచ్చ’. ప్రస్తుతం ఈ చిత్రం రామోజీ ఫిలిం సిటీ లో షూటింగ్ జరుపుకుంటుంది. ఇక్కడే చిత్రంలోని ముఖ్య నటీ నటులతో కొన్ని కీలక సన్నివేశాలు చిత్రీకరిస్తున్నారు. ఈ చిత్రంలో అందాల భామ తమన్నా హీరోయిన్ గా నటిస్తుంది. చిరంజీవి గారి ‘గ్యాంగ్ లీడర్’ చిత్రంలోని సూపర్ హిట్ సాంగ్ ‘వాన వాన వెల్లువాయే’ పాటను రీమిక్స్ చేసి ఈ చిత్రంలో. సంపత్ నంది దర్శకత్వం వహిస్తుండగా మణిశర్మ సంగీతం అందిస్తున్నారు.పరాస్ జైన్ మరియు ఎన్.వి ప్రసాద్ సంయుక్తంగా నిర్మిస్తుండగా ఆర్.బి చౌదరి సమర్పిస్తున్నారు. ఇటీవలే బ్యాంకాక్, చైనా, శ్రీలంకలో కీలక యాక్షన్ సన్నివేశాలు చిత్రీకరించారు. రచ్చ శరవేగంగా పూర్తి చేసి మార్చిలో విడుదల చేయడానికి సన్నాహాలు చేస్తున్నారు.

ప్రిన్స్ మహేష్ బాబు అభిమానులు ఈ సంవత్సరం చాలా ఆనందంగా ఉన్నారు. ఈ సంవత్సరం “దూకుడు” లాంటి భారి చిత్రాన్ని అందించిన మహేష్ బాబు ఇప్పుడు మళ్లి రికార్డ్లు లు బద్దలు కొట్టడానికి “బిజినెస్ మాన్ ” గా వస్తున్నాడు. ఈ చిత్రానికి పూరి జగన్నాథ్ దర్శకత్వం వహిస్తున్నారు.

ఈ చిత్రం ఆడియో విడుదల వేడుక ఈ నెల 22 న భారిగా జరగనుండగా ఈ చిత్రం లో అన్ని పాటల టీజర్స్ ని విడుదల చేసారు. ఈ పాటలు బయటకి వచ్చినప్పటి నుండి అభిమానులు ఆనందం ఎక్కువయ్యింది ఒక భారి విజయానికి కావలసిన అన్ని విషయాలు ఈ చిత్ర సంగీతం లో ఉందని అభిమానులు అంటున్నారు. సామాన్య ప్రజలు కూడా ఈ చిత్ర సంగీతాన్ని బాగా ఆహ్వానించారు. నిన్న ట్విట్టర్ మరియు పేస్ బుక్ మొత్తం బిజినెస్ మాన్ మానియా నడిచింది.

మహేష్ బాబు అభిమానుల్లో ఒకరయిన రాకేశ్ చిత్ర ఆడియో గురించి చెపుతూ ” ‘సార్ వస్తార’ పాట అద్బుతంగా ఉందని, ‘ఆమ్చి ముంబై ‘ పాట జనానికి చేరువయ్యే పాట అని అన్నారు”. ఇంత మంచి ఆల్బం ఇచినందుకు పూరి గారికి మరియు తమన్ గారి కృతజ్ఞతలు తెలుపుతూ పూర్తి పాటలు కోసం చాల ఆసక్తి గ వేచి చూస్తున్నామని చెప్పారు.

మేము ఈ చిత్ర ఆడియో విడుదల వేడుక ను రేపు నేరుగా వేదిక నుండి “లైవ్ అప్డేట్స్” ఇస్తాము. బిజినెస్ మాన్ గురించి మరి కొన్ని ఆసక్తికరమయిన విషయాల కోసం మా సైట్ ని ఫాలో అవ్వండి.

ప్రిన్స్ మహేష్ బాబు నటించిన బిజినెస్ మేన్ చిత్రంలోని ట్రాక్ లిస్ట్ మరియు పాటలు పాడిన వారి సమాచారం తో సహా మీకోసం ప్రత్యేకంగా అందిస్తున్నాం. తమన్ సంగీతం అందించిన ఈ చిత్ర ఆడియో ఈ నెల 22న భారీగా విడుదల కాబోతుంది. మహేష్ బాబు సరసన కాజల్ హీరోయిన్ గా నటిస్తుంది

పాట: ఆమచ్చి ముంబై
పాడిన వారు: ఆలాప్ రాజు, నవీన్ మాధవ్, నవీన్

పాట: సార్ వస్తారోస్తరా
పాడిన వారు: సుచిత్ర, తమన్

పాట: చందమామ
పాడిన వారు: హరిచరణ్

పాట: పిల్లా చావ్
పాడిన వారు: రాహుల్ నంబియార్

పాట: బాడ్ బాయ్స్
పాడిన వారు: ప్రియా హేమేష్, గీతా మధురి

పాట: బిజినెస్ మేన్ థీమ్
పాడిన వారు: మహేష్, పూరి జగన్నాధ్, కోరస్.

అన్ని పాటలకి భాస్కరభట్ల రవి కుమార్ సాహిత్యం అందించారు.

ప్రముఖ రచయిత కొరటాల శివ దర్శకుడి అవతారం ఎత్తారు. ఆయన దర్శకత్వం వహిస్తున్న చిత్రం ‘వారధి’. యంగ్ రెబల్ స్టార్ హీరోగా నటిస్తున్న ఈ చిత్ర యూనిట్ కొన్ని కీలక సన్నివేశాల చిత్రీకరణ కోసం బ్యాంకాక్ వెళ్లనుంది. ప్రభాస్ ఈ చిత్రంలో సరి కొత్త లుక్ లో కనిపించనున్నారు. విశ్వసనీయ వర్గాల ప్రకారం ఈ చిత్రం కామెడీ ఎంటర్టైనర్ గా తెరకెక్కుతోంది. ప్రభాస్ సరసన అనుష్క మరియు రిచా గంగోపాధ్యాయ నటిస్తున్న విషయం తెలిసిందే. వారధి చిత్రాన్ని యూ.వి. క్రియేషన్స్ బ్యానర్ పై ప్రమోద్ ఉప్పలపాటి మరియు వంశీ కృష్ణా రెడ్డి సంయుక్తంగా నిర్మిస్తున్నారు. ప్రభాస్ ఈ చిత్రం లోనే కాకుండా లారెన్స్ డైరెక్షన్లో ‘రెబల్’ చిత్రంలో నటిస్తున్నారు. ప్రభాస్ ఈ రెండు చిత్రాలు పూర్తయ్యాక రాజమౌళి తో ఒక సినిమా
చేయనున్నారు.

తెలుగు చలనచిత్ర పరిశ్రమలో విలక్షణమైన నటుడిగా పేరు తెచ్చుకున్న సోను సూద్ ఎన్నో చిత్రాలలో నటించారు. ప్రస్తుతం ఆయన మంచు లక్ష్మి నిర్మిస్తున్న ‘ఊ కొడతారా ఉలిక్కి పడతారా’ చిత్రంలో నటించబోతున్నాడు. శ్రీ లక్ష్మి ప్రసన్న పిక్చర్స్ బ్యానర్ పై మంచు లక్షి నిర్మిస్తున్న ఈ చిత్రంలో ఆమె సోదరుడు అయిన మంచు మనోజ్ నటిస్తున్నాడు. నందమూరి బాలకృష్ణ గారు ముఖ్య అతిధి పాత్రలో నటిస్తున్నారు. దీక్షా సేథ్ మరియు పంచి బొరా హీరోయిన్లుగా నటిస్తున్నారు. ఈ రోజు నుండి సోను సూద్ పై కొన్ని సన్నివేశాలు చిత్రీకరిస్తున్నారు.శేఖర్ రాజా డైరెక్ట్ చేస్తున్న ఈ చిత్రానికి హైదరాబాద్ శివార్లలో ఒక భారీ సెట్ వేసి చిత్ర ముఖ్య భాగం అక్కడే చిత్రీకరిస్తున్నారు. సోను సూద్, ప్రభు, రిషి ఇతర ముఖ్య పాత్రల్లో నటిస్తున్నారు. ఊ కొడతారా ఉలిక్కి పడతారా చిత్రాన్ని వచ్చే ఏడాది ఏప్రిల్ లో విడుదల చేయడానికి సన్నాహాలు చేస్తున్నారు.

హలో ఫ్రెండ్స్, రాజన్న చిత్రం గురించిన మొత్తం సమాచారం అందించడానికి త్వరలో బాక్స్ ఆఫీస్ బాబూ రావు మీ ముందుకు రాబోతున్నాడు.అతను మీతో లైవ్ చాట్ చేస్తూ అందుబాటులో ఉంటాడు. మీకు ఏమైనా సందేహాలుంటే అతనిని అడగవచ్చు. రాజన్న చిత్రానికి సంబందించిన తాజా సమాచారాన్ని సంక్షిప్తంగా మీకు అందిస్తాడు. ఏ థియేటర్ జనాలతో నిండిపోయింది, అక్కడ వారి రెస్పాన్స్ ఎలా ఉంది మీకోసం ఎప్పటికప్పుడు అందిస్తుంటాడు. ఇంకా చాలా విషయాలు మీతో లైవ్ చాట్ చేస్తూ వార్తలు, ఫోటోలు, వీడియోలు అందిస్తాడు. అతను మీకు నచ్చిన హీరో, నచ్చిన సినిమా గురించి సమగ్ర సమాచారం ఇస్తాడు. డిసెంబరు 22వ తారీఖున ఉదయం 8:45 గం.ల నుండి బాక్స్ ఆఫీస్ బాబూ రావు లైవ్ లో మీకోసం ఉంటాడు. సిద్ధంగా ఉండండి.

నోట్: ఈ పాత్ర కేవలం కల్పితం మాత్రమే ఎవరిని ఉద్దేశించినది కాదు.

తెలుగు చలనచిత్ర పరిశ్రమలో మైలురాయి లాంటి చిత్రాలు కొన్ని ఉంటాయి. అలాంటి చిత్రాలలో ‘మల్లీశ్వరి’ ఒకటి. నేటితో ఆ చిత్రం 60 వసంతాలు పూర్తి చేసుకుంది.తెలుగు చలనచిత్ర పరిశ్రమలో ఇప్పటి వరకు వచ్చిన గొప్ప చిత్రాలలో మల్లీశ్వరి కూడా ఒకటి. ఇలాంటి చిత్రం ఇక ముందు కూడా ఎవరు తీయలేరు అని చెప్పడంలో అతిశయోక్తి లేదు. మల్లీశ్వరి చిత్రానికి గొప్ప దర్శకుడు బిఎన్. రెడ్డి గారు దర్శకత్వం వహించారు. తెలుగు చలన చిత్ర పరిశ్రమ అగ్ర నటుడు నందమూరి తారక రామారావు గారు నాగరాజు పాత్రలో మరియు భానుమతి గారు మల్లీశ్వరి పాత్రలో నటించారు. ఈ చిత్రానికి సాలూరి రాజేశ్వర రావు గారు సంగీతం అందించగా దేవులపల్లి కృష్ణ శాష్త్రి గారు సాహిత్యం అందించారు. మల్లీశ్వరి చిత్రంలో మొత్తం 15 పాటలున్నాయి.

మల్లీశ్వరి చిత్ర కథ విషయానికి వస్తే పురాతన కాలంలో రాణివాసం అనే ఆచారం ఉంటుంది. రాణివాసం చేసిన యువతి రాజు గారి కోటలో శాశ్వతంగా ఉండిపోవాలని బయట మగాళ్ళను ఎవ్వరిని కలుసుకోకూడదు అనే నిబందన ఉంటుంది. మల్లీశ్వరి (భానుమతి) అనే యువతి తల్లి తండ్రులు డబ్బు కోసం బలవంతంగా మల్లిశ్వరిని రాణివాసానికి పంపిస్తారు. భానుమతి తన బావ నాగరాజు (ఎన్టీఆర్) ప్రేమించుకుంటారు. భానుమతిని రాణివాసానికి పంపడంతో నాగరాజు భానుమతిని కలుసుకోవడానికి రాజు గారి కోటకు వెళ్లి అక్కడ పట్టుబడతాడు. నాగరాజుకి శిక్ష విధించడానికి శ్రీ కృష్ణ దేవరాయల వారి దగ్గరికి తీసుకు వెళ్తారు. అక్కడ వీరి ప్రేమకథ విన్న శ్రీ కృష్ణ దేవరాయల వారు ఏం చేశారన్నది మిగతా చిత్ర కథ.

మల్లీశ్వరి చిత్రంలో ప్రతి ఒక్కరు అధ్బుతంగా నటించారు. పాటలు క్లాసిక్స్ గా మిగిలిపోగా ఈ చిత్రం కొన్ని అంతర్జాతీయ ప్రమాణాలతో రూపొందొంది. ఒకప్పుడు తెలుగు చలనచిత్ర పరిశ్రమ ఇలాంటి చిత్రాలతో ఎంతో ఖ్యాతి గడించింది.

123తెలుగు.కామ్ తరపున ఈ సందర్భాన్ని పురస్కరించుకొని మల్లీశ్వరి చిత్ర యూనిట్ సభ్యులకు జోహార్లు.

విక్టరీ వెంకటేష్ నటించబోయే కొత్త చిత్రానికి మెహెర్ రమేష్ దర్శకత్వం వహించాబోతుండగా పరుచూరి ప్రసాద్ నిర్మిస్తున్నారు. తాజా సమాచారం ప్రకారం ఈ చిత్రంలో ఒక కీలక పాత్రను జగపతి బాబు పోషిస్తున్నట్లు సమాచారం. వెంకీ కి జంటగా రిచా గంగోపాధ్యాయ నటిస్తుంది. వచ్చే ఏడాది జనవరి నుండి ఈ చిత్రం ప్రారంభం అవుతుంది. ఈ చిత్రానికి స్క్రిప్టు మరియు డైలాగ్స్ కోన వెంకట్ అందిస్తున్నారు. మల్టి స్టారర్ చిత్రాలు చేయడంలో ముందుండే జగపతి బాబు తారకరత్న హీరోగా నటిస్తున్న నందీశ్వరుడు చిత్రంలో కూడా ప్రత్యేక పాత్రలో కనిపిస్తున్నారు. శక్తి చిత్ర పరాజయం తరువాత మెహెర్ రమేష్ కి ఈ చిత్రం కీలకం కానుంది.

‘రాజన్న’ చిత్రం అన్ని హంగులతో ఈ నెల 22న విడుదలవుతున్న విషయం తెలిసిందే. ఇదిలా ఉండగా ఈ చిత్రానికి సంభందించి మాకు ఒక ఆసక్తికరమైన విషయం తెలిసింది. సీనియర్ యాక్టర్ అక్కినేని నాగేశ్వర రావు గారు ఈ చిత్రం కోసం తన గొంతును వినిపించినట్లు సమాచారం.చిత్రం మొదలయ్యే సమయంలోని కొన్ని కీలక సన్నివేశాలకు ఏఎన్నార్ గారు తన వాయిస్ ఓవర్ అందించారు. నిన్న అక్కినేని నాగార్జున గారి కుటుంబసభ్యులకు కోసం ప్రసాద్ లాబ్స్ లో ప్రివ్యు షో వేయడం జరిగింది. ఈ ప్రివ్యు చూసిన వారు చిత్రం చాలా బావుందని చెప్పారు. రాజన్న చిత్రాన్ని అన్నపూర్ణ స్టూడియోస్ బ్యానర్ పై అక్కినేని నాగార్జున గారే స్వయంగా నిర్మించడం జరిగింది. రాజన్న చిత్రం నాగార్జున గారి కెరీర్లో ఒక మైలురాయిగా నిలిచిపోతుందని
చిత్ర యూనిట్ వర్గాలు చెప్తున్నారు. ఎం.ఎం. కీరవాణి సంగీతం అందించిన ఈ చిత్ర ఆడియో ఇప్పటికే మార్కెట్లో విడుదలై విశేష ఆదరణ లభించింది.విజయేంద్ర ప్రసాద్ గారు దర్శకత్వం అందించగా స్నేహ నాగార్జున భార్యగా నటిస్తుంది. ఏనీ అనే పాప రాజన్న కూతురిగా ముఖ్య పాత్రలో నటిస్తుంది.

మీ కోసం ప్రత్యేకమైన కాంటెస్ట్. రాజన్న చిత్ర ఉచిత టికెట్స్ గెలవాలనుకుంటున్నారా.ఇక్కడ క్లిక్ చేయండి

యంగ్ టైగర్ ఎన్టీఆర్ నటిస్తున్న పూర్తి కమర్షియల్ ఎంటర్టైనర్ చిత్రం ‘దమ్ము’ షూటింగ్ వేగంగా పూర్తి చేసుకుంటుంది. ఇటీవలే గచ్చిబౌలి లోని అల్యుమీనియం ఫాక్టరీలో కొన్ని కీలకమైన యాక్షన్ సన్నివేశాలు చిత్రీకరించారు. బోయపాటి శీను మరియు ఎన్టీఆర్ ఈ చిత్ర విజయం సాధించేలా తెరకెక్కిస్తున్నారు. దమ్ము చిత్రాన్ని అలెగ్జాండర్ వల్లభ నిర్మిస్తుండగా త్రిషా మెయిన్ హీరోయిన్ గా నటిస్తుండగా మరియు కార్తీక రెండవ హీరోయిన్ గా నటిస్తున్నారు. పవర్ఫుల్ కథతో తెరకెక్కుతున్న ఈ చిత్రంలో ఎన్టీఆర్ పోలిస్ పాత్రలో నటిస్తున్నట్లు సమాచారం. దీనికి సంబంధించి అధికారికంగా ఎలాంటి సమాచారం లేదు. దమ్ము చిత్రానికి కీరవాణి సంగీతం అందిస్తున్నారు.

దూకుడు భారీ విజయం తర్వాత ప్రిన్స్ మహేష్ బాబు నటిస్తున్న ఎంటర్టైనర్ చిత్రం ‘బిజినెస్ మేన్’ అన్ని హంగులతో జనవరి 11న ప్రపంచవ్యాప్తంగా భారీ విడుదలకి సిద్ధమవుతుంది. ప్రస్తుతం శరవేగంగా పోస్ట్ ప్రొడక్షన్ పనులు జరుపుకుంటున్న ఈ చిత్రానికి సంబందించిన ఇటీవలే రెండు ట్రైలర్స్ విడుదలైన విషయం తెల్సిందే. ఈ నెల 22న విడుదలవుతున్న ‘రాజన్న’ ప్రదర్శితమవుతున్న థియేటర్లలో మరో సరి కొత్త ట్రైలర్ ను ప్రదర్శించబోతున్నారు. విశ్వసనీయ వర్గాల ప్రకారం ఈ ట్రైలర్ లో మూడు పంచ్ డైలాగ్స్ ఉన్నట్లు సమాచారం. పూరి జగన్నాధ్ మరియు మహేష్ బాబు కాంబినేషన్ పై భారీ అంచనాలున్నాయి. అందాల భామ కాజల్ అగర్వాల్ హీరోయిన్ గా నటిస్తుంది. బిజినెస్ మేన్ చిత్రాన్ని వెంకట్ నిర్మిస్తుండగా తమన్ సంగీతం అందించిన ఆడియో ఈ నెల 22న శిల్ప కళా వేదికలో విడుదల కాబోతుంది.

మెగా పవర్ స్టార్ రామ్ చరణ్ తేజ్ ‘రచ్చ’ లో మెడికల్ స్టూడెంట్ గా నటించాబోతున్నడా? రామ్ చరణ్ మరియు తమన్నా ఇద్దరు మెడికల్ స్టూడెంట్స్ గా నటిస్తున్నారు అంటున్నాయి ఫిలిం నగర్ ఇండస్ట్రీ వర్గాలు. సంపత్ నంది దర్శకత్వం వహిస్తున్న ఈ చిత్రం ప్రస్తుతం తిరుపతిలో షూటింగ్ జరుపుకుంటుంది. మణిశర్మ సంగీతం అందిస్తున్న ఈ చిత్రాన్ని మెగా సూపర్ గుడ్ ఫిల్మ్స్ బ్యానర్ పై ఆర్.బి. చౌదరి నిర్మిస్తున్నారు. ఇటీవలే చైనా, శ్రీలంక, బ్యాంకాక్ లలో కీలక పోరాట సన్నివేశాలు తెరకెక్కించారు. పూర్తి యాక్షన్ ఎంటర్టైనర్ గా తెరకెక్కుతున్న ఈ చిత్రం గోవా లో షూటింగ్ జరుగుతున్న సమయంలో ఒక పెద్ద ప్రమాదం నుండి చరణ్ బయట పడిన విషయం తెలిసిందే. రచ్చ లో తమన్నా మరో సారి అందాల ఆరబోత చేయబోతున్నట్లు సమాచారం. ఈ చిత్రాన్ని వచ్చే ఏడాది మార్చిలో విడుదల చేయడానికి సన్నాహాలు చేస్తున్నారు.

తెలుగు సినిమా కొత్త హంగులతో సిద్ధమవుతోంది. కింగ్ అక్కినేని నాగార్జున నటించిన ‘రాజన్న’ చిత్రం విదేశాలలో ప్రదర్శితమయ్యే ప్రింట్స్ లో సబ్ టైటిల్స్ తో ప్రదర్శితం కానుంది. నిర్మాణ సభ్యులు ఈ విషయాన్ని స్వయంగా మాకు తెలిపారు. అన్ని భాషల వారికీ సులువుగా అర్ధమయ్యే విధంగా ఈ నిర్ణయం తీసుకున్నట్లు తెలిపారు. డిసెంబరు 21న విదేశాలలో ప్రీమియర్ షోస్ వేయాలని నిర్ణయించినట్లు, ప్రింట్స్ కూడా పంపించడం జరిగిందని చెప్పారు. ఈ చిత్రాన్ని విదేశాలలో నాగార్జున గారే స్వయంగా విడుదల చేయబోతున్నారు. రాజన్న చిత్రాన్ని విదేశాలలోని కొన్ని ప్రాంతాలలో నాగార్జున గారు ‘అన్నపూర్ణ స్టూడియోస్ ఇంటర్నేషనల్ ఐఎన్సీ’ ద్వారా భారీ గా విడుదల చేయబోతున్నారు. నాగార్జున మరియు ఇతర నిర్మాణ సభ్యులు రాజన్న చిత్రం నాగార్జున గారి కెరీర్లో మర్చిపోలేని చిత్రం అవుతుంది అని నమ్మకం వ్యక్తం చేసారు. ప్రముఖ రచయిత విజయేంద్ర ప్రసాద్ గారు దర్శకత్వం వహించగా ఆయన గారి అగ్ర దర్శకుడు అయిన రాజమౌళి గారు కొన్ని కీలక సన్నివేశాలకు దర్శకత్వం వహించారు. అన్నపూర్ణ స్టూడియోస్ బ్యానర్ పై నాగార్జున గారు ఈ చిత్రాన్ని నిర్మించారు.