విడుదల తేది : 20 ఏప్రిల్ 2012
	123తెలుగు.కాం రేటింగ్: 1.5/5
	దర్శకుడు : హరి కె చందూరి
	నిర్మాతలు : మాచ రామలింగా రెడ్డి, కె అభినవ్ రెడ్డి
	సంగీత దర్శకుడు: ఆనంద్
	తారాగణం : నిఖిల్ సిద్ధార్థ, సారా శర్మ

నిఖిల్ మరియు సారా శర్మ మొదటి సారిగా కలిసి నటించిన చిత్రం “డిస్కో”. హరి కే చందూరి దర్శకత్వం వహించిన ఈ చిత్రాన్ని రామ లింగా రెడ్డి మరియు అభినవ్ రెడ్డి సంయుక్తంగా నిర్మించారు. ఈ చిత్రం ఈరోజే విడుదలయ్యింది ఇప్పుడు ఈ చిత్రం ఎలా ఉందో చూద్దాం.

కథ :

డిస్కో(నిఖిల్) ఒక అనాథ, అతనికి ముగ్గురు స్నేహితులు (ఖయ్యుం,విజయ్ సాయి, హ్యాపీ డేస్ పైడితల్లి). డిస్కో ప్రతి సారి చేసే అల్లరి పనులకు స్నేహితులు ఇబ్బందుల పాలవుతూ ఉంటారు. అలాంటి డిస్కో షైనీ(సారా శర్మ) తో ప్రేమలో పడతాడు ఆమెను వెతుక్కుంటూ బ్యాంకాక్ కి కూడా వెళతాడు. షైనీ లోకల్ డాన్ (ఆశిష్ విద్యార్థి) కూతురని తెలుస్తుంది.

డిస్కో షైనీ ప్రేమను గెలుచుకున్న తరువాత కథలో ముఖ్యమయిన మలుపులు చోటు చేసుకుంటుంది. స్నేహమా ప్రేమా అన్న సందిగ్ధం లో కథ ప్రవేశిస్తుంది. తరువాత ఏమయింది? డిస్కో ప్రేమను గెలుచుకున్నడా? లేదా? అనేది మిగిలిన కథ.

ప్లస్ :
ఎం.ఎస్ నారాయణ సూర్య భాయ్ పాత్రలో చాలా బాగా నవ్వించారు. మహేష్ బాబు బిజినెస్ మాన్ పాత్రలో ఎం ఎస్ నారాయణ చాలా అద్బుతంగా నటించారు.చిత్రంలో ఉన్న పెద్ద ప్లస్ పాయింట్ ఇదే. అలీ పాత్ర రెండవ అర్ధ భాగంలోనే ఉంది ఈ పాత్ర చాలా బాగా వచ్చింది. రఘు బాబు తనవంతు ప్రయత్నం చేసిన పాక్షికంగానే సఫలం అయ్యారు. బుల్లి తెర కార్యక్రమాల మీద చేసిన హాస్యం పరవాలేదనిపించింది.

మైనస్ :

చిత్ర కథ మరియు కథనం అసలు బాగోలేవు కథ చెప్పిన విధానం దారుణం. చిత్రంలో లాజిక్ ఏమాత్రం కనపడదు ఏదయినా మంచి సన్నివేశం వస్తుందేమో అని ప్రేక్షకుడు వెయ్యి కళ్ళతో వేచి చూస్తుంటాడు. దర్శకత్వం బాగోలేదు నటనా పరంగా ఎవరి ప్రదర్శన ఆకట్టుకోదు. నిఖిల్ పవన్ కళ్యాణ్ మరియు రవితేజ లను అనుకరించడం చిరాకు కలిగిస్తుంది సారా శర్మ కాస్త్త్త నటన నేర్చుకొని నటిస్తే బాగుండేది.

చిత్రం లో దిగజారిన హాస్యాన్ని ప్రయత్నించారు ఇది నవ్వించకపోగా చిరాకు కలిగిస్తుంది. ఆశిష్ విద్యార్థి పాత్రను సరిగ్గ్గా తీర్చి దిద్దలేదు అలానే జీవ పాత్ర సంపూర్ణంగా అనిపించదు. చిత్రంలో కారణం లేకుండా సెంటిమెంట్ సన్నివేశాలు వస్తాయి. రెండవ అర్ధ భాగం అంతా అర్ధం లేని మలుపులతో సాగుతుంది. రెండవ అర్ధం ప్రేక్షకుడి సహనానికి పరీక్ష. చిత్రం చాలా పొడవు.

చిత్ర క్లైమాక్స్ కి అసలు అర్ధం లేదు ఆశిష్ విద్యార్థి ఎందుకు మారిపోతాడో సరయిన కారణం చూపించలేదు. చిత్రం లో ఇంకా చాలా తప్పులున్నాయి కాని అవన్నీ చెప్పి మీ విలువయిన సమయాన్ని వృధా చెయ్యదలుచుకోలేదు.

సాంకేతిక అంశాలు :

చిత్ర రీ-రికార్డింగ్ అసలు బాగోలేదు ప్రత్యేకంగా పాటల సమయంలో. మంత్ర ఆనంద్ సంగీతం ఆకట్టుకోలేక పోయింది.. ఎడిటింగ్ ఇంకా బాగా ఉండాల్సింది. డైలాగ్స్ కొన్ని చోట్ల బాగున్నా పలు చోట్ల బాగోలేదు. సినిమాటోగ్రఫీ పరవాలేదు. హరి చందూరి దర్శకత్వం బాగోలేదు.

తీర్పు :
డిస్కో చిత్రాన్ని చూడకపోవడమే మంచింది. నటన బాగోలేదు, దర్శకత్వం బాగోలేదు, ఓపికను పరీక్షించే సన్నివేశాలు, చిత్ర నిడివి ఎక్కువగా ఉండటం, మీ సమయం వృధా చేసుకోవాలి అనుకుంటే ఈ చిత్రాన్ని చుడండి.

123తెలుగు.కాం రేటింగ్ : 1.5/5

అనువాదం : – రవి

Clicke Here For ‘Disco ’ English Review

	విడుదల తేది : 20 ఏప్రిల్ 2012
	123తెలుగు.కాం రేటింగ్: 1.25/5
	దర్శకుడు : శుభ సెల్వం
	నిర్మాతలు : డి. కుమార్, ఎమ్. ఈశ్వర ప్రసాద్
	సంగీత దర్శకుడు: ప్రదీప్ కోనేరు
	తారాగణం : ఉదయ్ కిరణ్, శ్వేతా బసు ప్రసాద్

‘చిత్రం’ సినిమాతో నటుడిగా తెలుగు తెరకు పరిచయమైన నటుడు ఉదయ్ కిరణ్, తన మొదటి సినిమా ‘కొత్త బంగారు లోకం’ సినిమాతోనే తెలుగు ప్రేక్షకులను మెప్పించిన నటి శ్వేతా బసు ప్రసాద్. వీరిద్దరి కాంబినేషన్లో వచ్చిన చిత్రం ‘నువ్వెక్కడుంటే నేనక్కడుంటా’. శుభ సెల్వం డైరెక్షన్లో వచ్చిన ఈ సినిమాని యు.కె అవెన్యూస్ బ్యానర్ పై డి. కుమార్ మరియు యం. ఈశ్వర ప్రసాద్ కలిసి సంయుక్తంగా నిర్మించారు. రెండు సంవత్సరాల క్రితం విడుదల కావాల్సిన ఈ చిత్రం విడుదలకు సిద్ధమైన ప్రతీసారి వాయిదా పడుతూ వస్తుంది. ఎట్టకేలకు ఈ రోజు ప్రేక్షకుల ముందుకు వచ్చిన ఈ చిత్రం ఎలా ఉందొ ఇప్పుడు చూద్దాం.

కథ:
హరి (ఉదయ్ కిరణ్) కి తన మామ కూతురు నీలాంబరి (ఆర్తి) తో పెద్దలు పెళ్లి నిశ్చయిస్తారు. ఈ పెళ్లి ఇద్దరికీ ఇష్టం లేకపోవడంతో, హరికి ఉద్యోగం వచ్చాకే పెళ్లి చేసుకుంటానని నీలాంబరి చెప్పడంతో, నీలాంబరి తండ్రి హైదరాబాదుకి పంపించి ఒక ఫైనాన్సు కంపెనీలో ఉద్యోగం ఇప్పిస్తాడు. అనాధ అయిన హరిత (శ్వేతా బసు ప్రసాద్) ను హరి మొదటి చూపులోనే ప్రేమిస్తాడు. మరో వైపు వీధి రౌడి అయిన భద్ర (అమిత్ కుమార్) కూడా హరితని ప్రేమిస్తూ పెళ్లి చేసుకోమని వెంటపడి వేదిస్తుంటాడు. ఈ క్రమంలో హరిత, భద్ర నుండి తప్పించుకుంటూ హరికి దగ్గరవుతుంది. హరిత తనని ప్రేమించట్లేదంటూ భద్ర పగ పెంచుకుంటాడు. మరోవైపు హరికి కలలో వచ్చిన సంఘటనలు నిజమౌతుంటాయి. ఒకరోజు హరికి ఒక విచిత్రమైన కల వస్తుంది. ఆ కలలో భద్ర, హరితని కిడ్నాప్ చేసే క్రమంలో హరిత చనిపోయినట్లు కల కంటాడు. ఈ కల నిజమౌతుందని భయపడిన హరి ప్రియురాలు హరితని తన ఊరికి తీసుకెళ్తాడు. హరి కుటుంబ సభ్యులు హరితని అంగీకరించారా? హరికి వచ్చిన కల నిజమైందా? చివరికి భద్ర, హరితని ఏం చేసాడు? ఇవన్ని తెలుసుకోవాలంటే ఈ సినిమా చూడాల్సిందే.

ప్లస్ పాయింట్స్:
హరి పాత్రలో ఉదయ్ కిరణ్ పర్వాలేదనిపించాడు. హరితగా శ్వేతా బసు ప్రసాద్ కూడా పర్వాలేదనిపించింది. ఈ సినిమాలో ఆకట్టుకొనే సన్నివేశాలు ఏమైనా ఉన్నాయా అంటే చిత్ర రెండవ భాగంలో మొదటి 30 నిముషాలు హరితని, హరి కుటుంభ సభ్యులు పరిచయం చేసుకునే సన్నివేశాలు ఊరట కలిగిస్తాయి. తప్పిపోయిన తన చిన్న కూతురు కాదంబరి ఎవరో కాదు హరిత అంటూ ఆశిష్ విద్యార్థి చేసే సన్నివేశాలు బాగానే నవ్విస్తాయి. ప్రదీప్ కోనేరు సంగీతంలో రెండు పాటలు కూడా పర్వాలేదనిపిస్తాయి.

మైనస్ పాయింట్స్:
దర్శకుడు ఎంచుకున్న కాన్సెప్ట్ బావున్నప్పటికీ దానిని తెరపై చూపించడంలో దర్శకుడు పూర్తిగా విఫలమయ్యాడు. హరికి వచ్చిన కలలు నిజమౌతాయి అని రెండు సన్నివేశాలు చూపించాడు. అంత వరకు బాగానే ఉంది. ఆ కలలో హరిత చనిపోతుందని తెలిసి ఆమెను కాపాడుకోవడం కోసం హరి చేసే ప్రయత్నాలు కూడా ఓకే. చివరికి హరి ఆమెను కాపాడే ప్రయత్నంలో చేసే పోరాటంలో మాత్రం దర్శకుడు తడబడ్డాడు. సినిమా అంతా దాదాపు తెలుగు ప్రేక్షకులను దృష్టిలో పెట్టుకొని తీసాడు కాని క్లైమాక్స్ సన్నివేశాల్లో మాత్రం తనలో ఉన్నది తమిళ దర్శకుడు అనుకున్నాడేమో విషాదాంతం చేసాడు. మొదటి భాగం అంతా చిరాకు తెప్పిస్తాయి. ఒక్కటంటే ఒక్క సన్నివేశం కూడా ఆకట్టుకునేలా తీయలేకపోయాడు. వీటికితోడు కథకు ఏ మాత్రం సంభందం లేకుండా పరమ రోత పుట్టించే సెపరేట్ కామెడీ ట్రాక్. ఎవీఎస్ మరియు జ్యోతి మధ్య సన్నివేశాలు బి గ్రేడ్ సినిమాని తలపిస్తాయి. బ్రహ్మానందం, వేణుమాధవ్, జయప్రకాష్ రెడ్డిల సెపరేట్ కామెడీ ట్రాక్ నవ్వించకపోగా కామెడీతో భయపెట్ట వచ్చు అని నిరూపించారు దర్శకుడు. భద్ర పాత్రలో అమిత్ కుమార్ ఆకట్టులేకపోయాడు. మిగతావారిలో సగానికి పైగా తమిళ నటులు ఉండటం, వారి ప్రదర్శన కూడా ఏ మాత్రం రుచించలేదు.

సాంకేతిక విభాగం:
జనార్ధ మహర్షితో పాటుగా మరో ఇద్దరు రచయితలు కలిసి రాసిన సంభాషణలు సాధారణంగా ఉన్నాయి. సినిమాటోగ్రఫీ అస్సలు బాగాలేదు. జీవన్ థామస్ అందించిన నేపధ్య సంగీతం కూడా బాగాలేదు. ఎడిటింగ్ గురించి మాట్లాడుకోకపోవడమే ఉత్తమం.

తీర్పు:

ఎన్నో వాయిదాలు పడి విడుదలైన ఈ సినిమా థియేటర్ వరకు వెళ్లి చూసేంత అవసరం లేదు. తెలుగు మరియు తమిళ భాషల్లో రూపొందించటంతో ఎవరినీ మెప్పించలేక బోల్తా పడింది. ఈ సినిమా నడుస్తున్న థియేటర్ కి కొంచెం దూరంలో ఉంటే మంచిది.

123తెలుగు.కాం రేటింగ్: 1.25/5

అశోక్ రెడ్డి

Clicke Here For ‘Nuvvekkada Unte Nenakkada Unta’ English Review